bloqueáronme o software

caghontál, onte abrín a aplicación na que estaba a face-la minha mestura da música de Lamatumbá e a computadora botoume esta mensaxe. Xa non funciona, e levaba máis dún ano e medio sen problema. Pois claro que era unha copia de trapicheo, igual pensaban que vou pagar os €400 ou máis que vale legal, igual pensaban que os que o usamos somos todos DJ's e ganhamos cartos con él. Escoitara de xeitos que tenhen as empresas de software para bloquear copias piratas a través da internet, máis é a primeira vez que me pasa. Tenho que apanhar outra copia que non tenho nen doce días para que remate o prazo do de Lamatumbá.

e outra

eu sigo atopándome música que mola por ahí adiante. Esto postárono en Chuza hoxe para pechar a emisión. Mellor non saber de quén é nen comprender qué dín nen de onde saíu a canción de marras.

neve a finais de Outubro

O Martes pasado a noite ía tal viruxe que escomezou nevar e non derretia no chan. Foi desaparecendo gradualmente o dia seguinte.

como mola este clip

'A vida de Brian' en Touriñés (2parte)

Esta é a segunda parte desta homenaxe ó galego falado polo presidente da Xunta. Dician en Chuza que cousas como esta tamén se poden facer con algún do bloque como protagonista.

Ben que o saben

Ben que saben os británicos o que é Catalunha e como se escriben os seus nomes. Estes libros estaban expostos no Borders (a cadena de librarias) de Angel N1.

a voltas coa crise

Esto é o que hai estes días nos medios de comunicación británicos. O ghicho e as dúas paisanas que saen no Times semellan os mesmos que os de esta foto que sae en varios medios (neste caso puxen un link a Vieiros) ilustrando todo o contrario tres dias despois coa suposta euforia polas axudas da UE. Sobre todo logo de lér que nos dous casos son imaxes da bolsa de Frankfurt.

Mirei onte na tele un debate entre Obama e McCain. Sómentes falaban do seu compromiso para loitar contra Al-Qaeda (Obama rempetiuno un par de veces usando a expresión "to crush Al-Qaeda"), e dos efectos da crise nos USA. Nún país tan grande, con tanto lobby e cúnha fame de recursos tal que tenhen que meter os fucinhos en todo o mundo, que os políticos expliquen as cousas a un nivel entendible por un rapaz de 8 anos faime ver o debate como algo de pouco valor. Sómentes podo empatizar máis ou menos cós candidatos. O Obama semella un tipo normal, e o McCain ténme un aire e un falar de alcalde do rural galego, deses de toda a vida. Sómentes lle faltaba o escudo do RealMadrid na garavata. Mais esto non quere dicir que sexan mellores ou piores. Eu penso que pouca diferencia vai haber porque o que ganhe as eleccións vai estar preso dos intereses creados e todo eso.

E vaia calorcinho que vai en Londres estes días. Dá gusto.