Como foi que tiraron estas fotos?

Hoxe hai un ano daquela manifestación organizada pola caverna do nacionalismo espanhol e atendida por algúns deses autóctonos mencionados nos últimos versos da terceira estrofa do hino galego. Sobre o papel dalghúns medios de comunicación na movida xa puxera eu este post daquela. Mais as fotos que serviron e inda hoxe sirven para ilustrar a historia seguen a me intrigar.

Non lembro que ninguén as discutira daquela. Ese dia estivera eu seghindo os acontecementos dende a minha computadora mirando a webcam da praza da quintana que amosaba imaxes ao vivo. Lembro que ao remate da marcha os participantes non enchian nen a metade da praza. Logo duns poucos minutos os manifestantes marcharon do sitio. Como é posible que xornais e medios de comunicación falaran dunha praza chea? E moito máis, Como conqueriron esas fotos (reproduzo un par delas que copiei hai un pouco da web) dando a impresión dunha praza chea a rebentar. Daban ganas de chequear as imaxes gravadas pola webcam da Quintana. Non concordan en absoluto có que mirei eu. Lembro que podía distinghir dous grupos compactos: ún diante do palco abaixo e outro nas escaleiras atras. Poderia ser que unha foto tirada dende o palco dera esa impresión?


Agora hai que lle botar un ollo a esta de aquí a continuación.

Esta foto inda non saiu na Cóz. Esta sí que concorda coa asistencia que mirei eu ao vivo na webcam. Está tirada dende as escaleiras, onde está colocada a xente e pódese mirar o outro grupo diante do palco. Non tenho nin idea de quén a subiu á rede nen lembro de qué website a baixara eu nas minhas pesquisas nos días seguintes ó acto. Atopeina hai unha semana movendo documentos da computadora vella para a nova. Con este percal de asistencia, Pódense tirar fotos como as amosadas arriba?

Esto é unha actualización para copiar unha cousa que me comentou outro emigrado:

"Se lle fas un zoom a que está sacada dende diante con máis calidade, vese que se poden ver non xa o corpo de moitos dos que están ao fondo, senón tamén as pernas. Se houbera xente de verdade so se verían cabezas.
O truco é moi sinxelo: Xente arredor da praza, que fan de "marco"; uns poucos aglomerados diante, que son os que se ven na foto; e outros poucos facendo que enchen ocos. Nalgunha esquina ata case se poden contar as cabezas."

Penso que clickando na segunda foto (muller de branco falando no palco) e facendo zoom nela sí que se poden identificar tanto o grupo diante do palco como a xente que fai de marco nunha composición ben situada. Pódese ver a linha de xente pegada ás paredes nos lados e todo o mogollón erguendo os pasquíns ma man para facer bulto. Estou tentando de atopar unha foto da mesma concentración e non dou atopado nengunha con mellor calidade.

Scalextric a vender en London

Mirei que vendían o Scalextric en London, nunha tenda en Holborn que se chama Model Zone. Pensara que desaparecera da faz da terra. Miren ahí nas fotos que tirei da janela do escaparate, con 007 na foto do medio, e na foto de abaixo o duelo dos ghichos eses que o coiso do prezo lles tapa a cara, mais míraselles ben a boquilla do risillo.

Line6 e o Snow Leopard da Apple OS 10.6

Apanhei o Pod Studio GX da Line 6, un trebellinho que por diante tén un burato jack para lle enchufar o cable que vén da guitarra eléctrica e que por detrás conéctase á computadora via USB. Así podo usar o software (Pod Farm) para tocar varios emuladores de amplis clásicos, cunha interface gráfica moi clarinha para xente de r'n'r, non para xente de computador, tal que se mira nesta foto aquí debaixo.

Todo moi ben ata que cando fún instalar a cousa tiven esta mensaxe. Computadora nova do paquete crasheando e todo eso. Nágh, que a cousa non vai.


Pero como vai ir? se na website da Line6 inda están anunciando que están rematando os drivers para que lle funcionen os trebellos no OS 10.6 da Apple, o chamado Snow Leopard (cona, o meu, que mercara unha computadora nova cando o post da Apple Store in Oxford Circus). Tirei estes pantaiasos hai un rato.

A computadora nova e non podo tocar a ghitarra ata que ésta xente remate os drivers. Neste último pantaiaso xa hai un fío pedindo "action no snow leopard issue". Tamén montaron o grupo no facebook. Tamén hai queixas de usuarios do novo OS de Microsoft, o Windows7, inda que aparentemente ténheno mellor cá os usuarios do Snow Leopard. Paso de comerme a cabesa. Vou gravar as ghitarras có micro no ampli de merda que tenho, ata que éstes anuncien que xa tenhen os drivers que non hai pelotas de probar esas versións beta (beta é unha palabra que deriva de peta) que sacan estes dias coa recomendación de que antes de os instalar fagas unha copia de seghuridade dos teus documentos e lerias que tenhas na computadora. Nalgunha solución desas cheghan a te dicir que tés que reinstalar a OS de novo e seghir tal procedemento. Non, non hai bolas para eso.

Outro misterio: A oficina pantasma do NatWest en Piccadilly Circus

Realmente está noutra rúa, concretamente en Shaftesbury Avenue, pero a poucos metros de onde se xunta coa praza de Piccadilly Circus. Nún dos lugares máis barullentos e transitados de Londres, esta oficina está sempre valeira, e xa ván varias veces que a visito. Unha caixeira contoume que traballando nela sentíase un pouco como os protagonistas de Solaris, afastados de todo. O feito de que hai que subir unhas escaleiras mecánicas e o estilo que conserva dende os anos oitenta, todo cheo de espellos axuda bastante.

O misterio das rebarbadoras de Ourense

As fotos son sómentes para pór as cousas en contexto. O asunto é este post titulado O misterio das rebarbadoras de Ourense, no bloghe Caldelao de Caldelas.

Esto hai que ligalo

as aulas e o despacho from SonCine on Vimeo.

30-xaneiro-2010. Xornada de Formación dos Premios á Innovación en Normalización Lingüística 2009-2010. Anxo Lorenzo (Secretario Xeral de Política Lingüística) remata a súa ponencia. Podedes ver aquí un extracto do debate posterior. Unha cansa indignación nos ollos dos ensinantes: saben que loitan sós e saben os nomes dos responsables desa soidade. A súa vontade, o seu día a día nas aulas, é a trabe de ouro da escola galega.

A URL orixinal é esta: http://vimeo.com/9173324
E naturalmente, entereime aquí.

Bad Karma

Ela dixo que a rosa non era para mín, que a mercara para ela mesma. Ok, pero resulta que ao final esqueceu levala cando marchou. Para mín toda, para achala neste estado sómentes un día despois. Tenho que me desfacer desto pero xA.